L’ammore che d’è? di Eduardo De Filippo

Scusate, sapite l’ammore che d’è?
L’ammor’è na cosa
c’addora di rosa
ca rosa nun è,
nduvina che d’è?
È rosa? E scusate, sapite pecchè?
È rosa ‘o culore
che serve p’ ‘ammore.
L’ammore nun c’è
si rosa nun è.
L’addore che c’entra si rosa nun è?
Pecché dinto maggio,
se piglia curaggio.
Sentenno l’addore
te nasce l’ammore.
A maggio sultanto? E sapite pecchè?
È maggio pe’ n’anno
pe’ chille ch’ ‘o sanno.
Pe’ chi nun vo’ bene
stu mese nun vene.
E senza l’addore l’ammore nun c’è?
Nun c’è. Pecché l’ammore
è forte dolore,
ca pare ‘na cosa
c’addora di rosa.